** ತುಳುನಾಡು ಪರಶುರಾಮನ ಸೃಷ್ಟಿ: ವೈಜ್ಞಾನಿಕ ಆಧಾರ*** -charan ಗೌಡ ಐವರನಾಡು

ತುಳುನಾಡು ಪರಶುಭಾರ್ಗವನ ಸೃಷ್ಟಿ. ಇದು ಎರಡು ಸಾವಿರ ವರುಷಗಳ ಹಿಂದೆ ಜರುಗಿದ ಐತಿಹಾಸಿಕ ಸಂಗತಿ. ಜಮದಗ್ನಿ ರೇಣುಕೆಯರ ಮಗ ಈ ಪರಶುರಾಮ. ಅವನ ಕೊಡಲಿಯ ಏಟಿಕೆ ಸಮುದ್ರ ಹಿಂದೆ ಸರಿದು ತುಳುನಾಡು ನಿರ್ಮಾಣವಾಯಿತೇ? ಹೌದು. ಇಲ್ಲಿದೆ ಕೆಲ ಆಧಾರ! ಅಷ್ಟಕ್ಕೂ ಯಾರು ಈ ಪುರಾಣ ಪುರುಷ? ಪರಶುರಾಮನ ಪ್ರಸ್ಥಾಪ ಪುರಾಣಗಳಲ್ಲಿ ಕಾಣಿಸಿಕೊಂಡದ್ದು ಕದಂಬರ ಕಾಲದಲ್ಲಿ. ಕದಂಬರಿಗಿಂತ ಹಿಂದೆ ಕರಾವಳಿ ಕೊಂಕಣ ಭಾಗ ಭಾರ್ಗವ ರಾಜವಂಶದ ಆಡಳಿತದಲ್ಲಿತ್ತು. ಈ ವಂಶಸ್ಥನೇ ಈ ಪರಶುರಾಮನಿರ ಬಹುದು! ಕೊಡಲಿ ಮಾನವ ನಾಗರಿಕ ವಿಕಾಸದ ಆದಿ ಆಯುಧ. ಇದೇ ಆಯುಧದಿಂದ ಈ ಭಾರ್ಗವ ವಂಶಸ್ಥ ಕಾಡು ಕಡಿದು ತುಳುವರ ನಾಡು ಮಾಡಿದ. ಆ ಕಾರಣಕ್ಕೆ ಈತ ಮಹಾತ್ಮ! ನಮ್ಮ ಹಿರಿಯರ ಹೃದಯ ವೈಶಾಲ್ಯತೆ ಇದು! ಗೋವಾದಿಂದ ಕೇರಳದ ವರೆಗೆ ಮಹಾಪುರುಷ ಪರಶುರಾಮನ ಸೃಷ್ಟಿ! ಸಾಮಾನ್ಯ ಶಕೆಯ ಆರಂಭದ ಸುಮಾರು ಎರಡು ನೂರು ವರುಷಗಳ ಹಿಂದೆ ಅರಭೀ ಸಮುದ್ರ ಇಂದಿನ ಪಶ್ಚಿಮ ಕರಾವಳಿಯ ಭೂಭಾಗವನ್ನು ಆವರಿಸಿಕೊಂಡಿತ್ತು.

ಪ್ರಾಕೃತಿಕ ಕಾರಣಗಳಿಂದ ಸಮುದ್ರ ಹಿಂದೆ ಸರಿಯಿತು! ಇದಕ್ಕೆ ಮೂರು ಆಧಾರಗಳನ್ನು ಗಮನಿಸಿ, ಕಡಲಿನಿಂದ ಬಿಡುಗಡೆಯಾದ ಕರಾವಳಿಯ ಒಳನಾಡಿನ ಉದ್ದಕ್ಕೂ ಸಮಾಂತರವಾಗಿ ಸಿಲಿಕಾ ಮರಳಿನ ರೂಪದಲ್ಲಿ ಹರಡಿದೆ.ಕಡಲ ಬಂಡೆಯ ಮೇಲೆ ಚಿಪ್ಪು ಮೀನುಗಳ ಗೂಡು ಇವೆ. ಅವು ಜಲಮಟ್ಟಕ್ಕೆ ಅನುಗುಣವಾಗಿ ಗೂಡುಕಟ್ಟುತ್ತವೆ. ನೀರು ಹಿಂದೆ ಸರಿದರೂ ಚಿಪ್ಪುಗಳು ಹಾಗೇ ಇವೆ! ಅವುಗಳ ಕಾರ್ಬನ್ ಡೇಟಿಂಗ್ ಅಂದ್ರೆ ಕಾರ್ಬನ್ ಐಸೋಟೋಪು C14 ಬಳಸಿ ಕಾಲಾವಧಿ ಅಂದಾಜಿಸಿದ್ದಾರೆ. ಇದು ನಡೆದದ್ದು ಎರಡು ಸಾವಿರ ವರುಷಗಳ ಹಿಂದೆ! ಸಾಮಾನ್ಯವಾಗಿ ಬಂದರುಗಳು ಕಡಲ ತೀರದಲ್ಲಿದ್ದರೆ, ಪ್ರಾಚೀನ ಬಂದರುಗಳು, ಬಸರೂರಿನ ಬಂದರು ಇಂದಿನ ಕುಂದಾಪುರ ಕಡಲತೀರದ ನಾಲ್ಕೈದು ಕಿ.ಮೀ. ಒಳನಾಡಿನಲ್ಲಿದೆ. ಹಿಂದೆ ಕಡಲತೀರದಲ್ಲಿದ್ದ ಬಂದರು ಕ್ರಮೇಣ ಹಿಂದೆ ಉಳಿದು ಒಳನಾಡಿನಲ್ಲಿದೆ. ಬಪ್ಪನಾಡು, ಬಪ್ಪನಾಡು, ಆಳ್ವಖೇಡ ಬಂದರುಗಳಲ್ಲೂ ಕಾಣಬಹುದು.ಪ್ರಾಕೃತಿಕ ವೈಚಿತ್ರ್ಯಗಳು, ಐತಿಹಾಸಿಕ ಪುರುಷರು ದೈವೀ ಘಟನೆಗಳು ದೇವರುಗಳಾಗುವುದು ಸಹಜ ಪ್ರಕೃಯೆ! ನಮ್ಮ ತುಳುನಾಡು ಜಗನ್ನಿಯಾಮಕ ಶಕ್ತಿಯಿಂದ ಹುಟ್ಟಿದ್ದು. ನಾಗ, ದೈವ ಜಾಲ ಹರಡಿದ ಈ ಭೂಮಿ ಪರಶು ಭಾರ್ಗವನ ಸೃಷ್ಟಿ! ಚರಣ್ ಗೌಡ ಐವರನಾಡ್

ಚಿತ್ರ ?ಅಂತರ್ಜಾಲ